ታህሳስ 3/2011 ፕሬዚዳንት ሣሕለወርቅ ከኢንዴንጀር ሄልዝ ተቋም ፕሬዚዳንት ጋር ተወያዩ

የኢፌዴሪ ፕሬዚዳንት ሣሕለወርቅ ዘውዴ ከ‘ኢንዴንጀር ሄልዝ’ ተቋም ፕሬዚዳንት ትሬሲ ኤል ቤይርድ ጋር ተወያዩ፡፡

ኢንዴንጀር ሄልዝ በኢትዮጵያ በጤናማ ስነ-ጾታና ስነ-ተዋልዶ ዙሪያ የሚሰራ ድርጅት ነው፡፡

ትሬሲ ኤል ድርጅቱ በአማራ ክልል ውስጥ ሞዴል የቤተሰብ ምጣኔ ላይ ያተኮረ ስራ በማከናወን የሚያበረታታ ውጤት ማስመዝገቡን ገልጸዋል፡፡

ከዚህ ባለፈ ሴቶች በጾታ ልዩነት ሳይገደቡ መብታቸውን እንዲያስከብሩና በሚመለከታቸው ጉዳይ ላይ ንቁ ተሳታፊ መሆን እንዲችሉ ድርጅታቸው አስፈላጊውን ድጋፍ ያደርጋል ብለዋል፡፡

ፕሬዚዳንት ሣሕለወርቅ ዘውዴ ወጣት ሴቶች በተለይ በትምህርት ወቅት በሁለንተናዊ መልኩ ከፍተኛ ድጋፍ እንደሚያስፈልጋቸው አመልክተዋል፡፡

በዚህ ረገድ ተቋሙም ማድረግ የሚችለውን ሁሉ እንዲያከናውን ፕሬዚዳንቷ መጠቆማቸውን ከፕሬዚዳንት ጽህፈት ቤት ያገኘነው መረጃ ያመለክታል፡፡

    ምንጭ:-  ኤፍ.ቢ.ሲ


ዜናዎች እና ለውጦች ዜናዎች እና ለውጦች