Back

የካቲት 22 ቀን 2012 ዓ.ም “ዓድዋ በእውቀት ብርሃን የምንኖር ፅኑ ሕዝቦች መሆናችንን አሳይተንበታል!!” ምክትል ከንቲባ ኢ/ር ታከለ ኡማ

የአዲስ አበባ ከተማ  ምክትል ከንቲባ / ታከለ ኡማ 124ኛውን የዓድዋ የድል  በዓል አስመልክተው የእንኳን አደረሳችሁ መልዕክት አስተላልፈዋል፡፡

ምክትል ከንቲባ / ታከለ ኡማ ባስተላለፉት መልዕክት እንዳሉት  “124 አመታት በፊት በሩቁ፣ በአሻጋሪ ተመልክተው በጨለማ የምንኖር ደካሞች አድርገው ለቆጠሩን በኅብረት፣ በእውቀት ብርሃን የምንኖር ፅኑ መሆናችንን በዓድዋ አስተምረናልብለዋል።

ዓድዋ የፍቅር፣ የመተባበር፣ በጋራ የማደግ፣ የለጋስነት፣ ጎረቤትን እንደራስ የመውደድ ትምህርት ኢትዮጵያውያን ሁሌም የሚያስተምሩት የእውነት መንገድ መሆኑን   / ታከለ ኡማ ገልጸዋል።

የሀሰት፣ የትዕቢት፣ የመጠቃት ደንገርጋራ መንገድን ኢትዮጵያውያን እንጠላለን፣ ጠልተንም በዓድዋ መንገድ እንድንፃረረው ሆነን አድገናልም" ብለዋል።

124ኛው የዓድዋ የድል በዓል በነገው ዕለት በመላው የአገሪቱ በተለያዩ ዝግጅቶች የሚከበር ሲሆን በአዲስ አበባ ከተማም በሚኒሊክ አደባባይ የከተማ አስተዳደሩ ከፍተኛ አመራሮች ጨምሮ አርበኞች እና በርካታ የህብረተሰብ ክፍሎች በጋራ በደመቀ ሁኔታ የድል በዓሉን  እንደሚያከብሩ ይጠበቃል።


ዜናዎች እና ለውጦች ዜናዎች እና ለውጦች