Web Content Display

                                                                                  ነሐሴ 6/2007ዓም                                   

አላግባብ ዋጋ በሚጨምሩ እና ህገወጥ ተግባር በሚፈጽሙ የግል ትምህርት ቤቶች ላይ የሚያደርገውን ክትትል እና ቁጥጥር  አጠናክሮ እንደሚቀጥል የአዲስ አበባ ትምህርት ቢሮ አስታወቀ፡፡በተጠናቀቀው የትምህርት ዘመን  ያላግባብ ዋጋ በጨመሩ የትምህርት ተቋማት ላይ ህጋዊ እርምጃ መውሰዱን አመልክቷል፡፡

የአዲስ አበባ ትምህርት ቢሮ ኃላፊ አቶ ዲላሞ ኦቶሬ በሰጡት መግለጫ በተጠናቀቀው  የትምህርት ዘመን  አለአግባብ የዋጋ  ጭማሪ ባደረጉ 194 የግል የትምህርት ተቋማት ማስጠንቀቂያ  ሲሰጣቸው 60 የትምህርት ተቋማት ደግሞ በህግ እንዲጠየቁ ተደርጓል፡፡

ቢሮው በተጠናቀቀው የትምህርት ዘመን በትምህርቱ ሥራ ህገወጥ ተግባር በፈጸሙ ተቋማት ላይ የጀመረውን የክትትልና ቁጥጥር ተግባር በቀጣዩ የትምህርት ዘመን የበለጠ አጠናክሮ እንደሚቀጥል የቢሮው ኃላፊው አስረድተዋል፡፡

ቢሮው በትምህርት ዘርፍ የተያዘውን የምዕተ አመቱን የልማት ግብ ለማሳካት በተጠናቀቀው የትምህርት ዘመን የትምህርት ሥራ ባለድርሻዎችን በማቀናጀት በተደረገው  ርብርብ  አመርቂ ውጤት መመዝገቡን አቶ ዲላሞ ተናግረዋል፡፡

በቀጣዮቹ አመታትም በመንግስት እና በግል ትምህርት ቤቶች የሚሰጠውን የመማር ማስተማር ሂደት  ወጥነት በማስያዝ  ጥራቱን የጠበቀ ትምህርት ለህብረተሰቡ ለማዳረስ ከአንድ ሺህ አምስት መቶ በላይ መምህራንን    በሁለተኛ ዲግሪ እያሰለጠነ መሆኑን  ጠቁመዋል፡፡

በተጠናቀቀው የትምህርት ዘመን በተግባር ተኮር የጎልማሶች እና  በልዩ ፍላጎት ትምህርት የታየው ዝቅተኛ አፈጻጸም በቀጣዩ አመት የበለጠ ለማሻሻል ቢሮው ከወዲሁ ትኩረት ሰጥቶ እየሰራ መሆኑን አቶ ዲላሞ አመልክተዋል፡፡

ቢሮው በአዲሱ የትምህርት ዘመን የትምህርት ጥራትን በላቀ ደረጃ ለማሳደግ  በከተማ አስተዳደሩ በየደረጃው የሚገኙ ትምህርት ቤቶችን በስኩል ኔትዎርክ ለማስተሳሰር ዝግጅት ማጠናቀቁን የቢሮ ኃላፊው ጠቁመዋል፡፡ ቢሮው በመጪው ነሐሴ 8 እና ነሐሴ 9 በሚያካሂደው አራተኛው ከተማ አቀፍ የትምህርት ጉባኤ ከ1 ሺህ 500 የሚበልጡ ባለድርሻዎችን በማሳተፍ በአጠቃላይ ትምህረቱ ሥራ አፈጻጸምና በቀጣዩ የትምህርት ዘመን ዕቅዶች ላይ እንደሚመክር ኃላፊው መግለጻቸውን  የአዲስ አበባ ኮሙኒኬሽን ጉዳዮች ቢሮ ዘገባ ያመለክታል፡፡

 

ዜናዎችና ለውጦች

ነሐሴ 2/2007ዓም
የአዲስ አበባ ከተማ አስተዳደር የአቋም መግለጫ
በኮሙኒኬሽን ጉዳዮች ቢሮ
የዲያስፖራው የነቃ ተሳትፎ ለህዳሴያችን 
ተከታታይ የኢኮኖሚ ዕድገት በማስመዝገብ ላይ የምትገኘው አዲስ አበባ በመሠረተ ዕድገት፣በማህበራዊ ልማት፣በሥራ ዕድል ፈጠራ፣በመኖሪያ ቤት ግንባታና በሌሎችም ዘርፎች ያረጋገጠችውን የነዋሪዎቿን ፍትሀዊ ተጠቃሚነት በተጨማሪ አዳዲስ ስኬቶች ለማጀብ በፈጣን ግስጋሴ ላይ ትገኛለች፡፡ 
በፖለቲካ፣በኢኮኖሚና በማህበራዊ ዘርፎች በመዲናችን ባለፉት ተከታታይ ዓመታት ለተመዘገበው ስኬት መሠረተ ሰፊ፣ፈጣንና ቀጣይነት ያለው እድገት በማረጋገጥ ድህነትንና ኋላቀርነትን ለማስወገድ ቆርጦ ከተነሳው መንግስታችን በተጨማሪ የከተማችን ነዋሪዎች ሁለንተናዊ የልማት ተሳትፎ ጉልህ ድርሻ አለው፡፡
በግዙፍ ግንባታዎቿና ሰፋፊ የልማት ሥራዎቿ በየዕለቱ በለውጥ ላይ የምትገኘው ከተማችን የለውጥና የህዳሴ ጉዞዋ በሁሉም የልማት ኃይሎች ተሳትፎ ተጠናክሮ ቀጥሏል፡፡
ባለፉት ሁለት አስርተ ዓመታት በተፈጠረው ምቹ ሁኔታና ሰፊ የልማት ዕድል ከትውልድ ቀያቸው ርቀው በውጪ አገር ይኖሩ የነበሩ በርካታ ኢትዮጵያውያንና ትውልደ ኢትዮጵያውያን ወደአገራቸው በመመለስ በመዲናችን አዲስ አበባ ከፍተኛ መዋዕለ ንዋይ በማፍሰስና በተለያዩ የኢንቨስትመንት ዘርፎች በመሰማራት በከተማችን ልማት የድርሻቸውን በማበርከት ላይ ይገኛሉ፡፡
ወደአገራቸው በተመለሱ ኢትዮጵያውያንና ትውልደኢትዮጵያውያን ዲያስፖራዎች ተሳትፎ በከተማችን እየተካሄደ የሚገኘው የልማት ተሳትፎ ከጊዜ ወደጊዜ በፍጥነት እያደገና ከፍተኛ አመርታዊ ለውጥ በማስመዝገብ በላቀ ደረጃ ተጠናክሮ እየቀጠለ ይገኛል፡፡
በተለይም መዲናችን ከነሐሴ ስድስት እስከ ነሐሴ አስር ቀን ሁለት ሺህ ሰባት ዓመተ ምህረት የምታስተናግደው የመጀመሪያው የዲያስፖራ ቀን በዓል በውጪ የሚኖሩ ኢትዮጵያውያንና ትውልደ ኢትዮጵያውያን የልማት ተሳትፎ የበለጠ ሊያነቃቃ የሚችል መልካም አጋጣሚ ነው፡፡
በውጪ የሚኖሩ ኢትዮጵያውያንና ትውልደኢትዮጵያውያን በብሔራዊ ደረጃ ከመጪው ረቡዕ ጀምሮ ለተከታታይ አምስት ቀናት በሚያከብሩት በዚሁ በዓል በአገራቸው ልማት በስፋት ኢንቨስት የሚያደርጉበትን ሁኔታ የሚፈጥሩበትና ከአገራቸው ጋር ያለቸውን ትስስርና ግንኙነት የሚያጠናክሩበት እንደሚሆን ይጠበቃል፡፡
በዕውቀትና በቴክኖሎጂ ሽግግር የአገራቸውን ልማት እንዲደግፉ ዕድል የሚያገኙበትና ቀድመው ወደ አገር ቤት ከተመለሱ የአገራቸው ልጆች ተሞክሮ ለመለዋወጥ የሚያስችላቸውን አጋጣሚ የሚያገኙበትና በአጠቃላይ የአገራቸው ልማት እንዲፋጠን ተሳትፎአቸውንና ድርሻቸውን የሚያሳድጉበት መልካም አጋጣሚ እንደሚሆን ይታመናል፡፡
በከተማችን ‹‹ ሁሉም ለህዳሴ ›› በሚል መሪቃል ለመጀመሪያ ጊዜ በሚከበረው በዚሁ የዲያስፖራ ቀን በዓል ከአምስት ሺህ እስከ ስድስት ሺህ የሚደርሱ በውጪ የሚኖሩ ኢትዮጵያውያንና ትውልደ ኢትዮጵያውያን ዲያስፖራዎች ተሳታፊ እንደሚሆኑ ይጠበቃል፡፡

በዓሉን ስኬታማ ለማድረግ ዝግጅት የተደረገ ሲሆን በበዓሉ የልማት ሥራዎች ጉብኝት ፣ኤግዚቢሽን፣ ፓናል ውይይትና ከከፍተኛ የመንግስት የስራ ኃላፊዎች ጋር የሚደረግ ውይይት በበዓሉ ከሚከናወኑ ሁነቶች መካከል ዋናዋናዎቹ ናቸው፡፡
የአዲስ አበባ ከተማ አስተዳደር በመዲናችን በሚከበረው የዲያስፖራ ቀን በዓል የሚሳተፉ ኢትዮጵያውያንና ትውልደ ኢትዮጵያውያን በከተማችን እየተካሄደ የሚገኘው ሁለንተናዊ ልማት ወደላቀ ደረጃ ለማሸጋገር ወሳኝ ሚና እንዳላቸው ይገልጻል፡፡
በመሆኑም በውጪ የሚኖሩ ኢትዮጵያውያንና ትውልደ ኢትዮጵያውያን ዲያስፖራዎች በከተማችሁ ባለው ምቹ ሁኔታ በመጠቀም በከተማችሁ ህዳሴ የድርሻችሁን እንድትወጡ አስተዳደሩ ጥሪውን ያስተላልፋል፡፡

የአዲስ አበባ ከተማ አስተደደር

ማስታወቂያ

የአዲስ አበባ መጽሄት

Showing 1 - 5 of 9 results.
Items per Page 5
of 2

ተዘውትረው የሚጠየቁ ጥያቄዎች